گوتەبێژی وەزارەتی دەرەوەی رووسیا دەڵێت، یارمەتیی بەشار ئەسەد سەرۆکی رژێمی پێشووی سووریا و خانەوادەکەیان داوە لە سووریا رزگاریان بێت و ئەم کارە ئاوڕدانەوەیەکی مرۆڤدۆستانە بوو.
ماریا زاخارۆڤا پشتیوانیی رووسیا بۆ گەلی سووریا دووپات دەکاتەوە و دەڵێت، هیواخوازن بە زووترین کات پێڤاژۆیەکی سیاسیی گشتگیر لەم وڵاتە دەس پێبکات.
زاخارۆڤا گوتی: ” هاوسۆزیی خۆمان بۆ گەلی سووریا دەردەبڕین کە لە ڕووی مێژووییەوە رووسیا پەیوەندییەکی دۆستانەی لەگەڵ هەبووە. هیوادارین گەلی سووریا سەرکەوتووانە بەسەر هەموو ئاڵنگارییەکان، ئاستەنگ و کێشەکاندا زاڵ بن و هەڵوێستی خۆمان بۆ پشتیوانی لە سەروەری و یەکپارچەیی ئەم وڵاتە دووپات دەکەینەوە.”
گوتەبێژی وەزارەتی دەرەوەی ڕووسیا هەروەها گوتی: “داوا دەکەین بەزووترین کات پێڤاژۆیەکی سیاسی گشتگیر لەلایەن سووریاییەکانەوە پێکبهێندرێت و بەگوێرەی پێویست بۆ یارمەتیدان لە رزگارکردنی ئەسەد و خانەوادەکەی هاوکاریمان دابین کرد و ئاوڕدانەوەیەکی مرۆڤدۆستانە بوو.”
هەواڵی پێشوو