چوارشەممە، 8ـ1-2025، دەسەڵاتدارانی ئێران ڕایگەیاند، هێرشێکی چەکدارییان پووچەڵ کردووەتەوە کە ناوەندێکی ئەمنی لە باشووری ڕۆژهەڵاتی ئەو وڵاتەی کردبووە ئامانج.
ناوەندی ڕاگەیاندنی هێزەکانی ئاسایشی ناوخۆ لە پارێزگای سیستان و بەلوچستان ڕاگەیەندراوێکی بڵاوکردەوە و کە تێیدا هاتووە، “هێرشێکی چەکدارییان بۆ سەر بنکەی پۆلیسی ناوچەی چەشمی زیارەت لە شاری زاهیدان پوچەڵ کردەوە.”
لە ڕاگەیەندراوەکەدا هاتووە، “چەکدارەکان تەقەیان لە بنکەکەی پۆلیس کردووە، بەڵام دواتر هێزەکانی ئاسایشی ناوخۆ ڕووبەڕوویان بوونەتەوە، ئاماژەی بەوەش دراوە، هیچ زیانێکی گیانی و ماددی نەبووە.
لە ڕاگەیەندراوەکەدا ئەوەش هاتووە، ئەو هێرشکەرانە بە هاوکاری خەڵکی ناوچەکە ناسێنراونەتەوە و بەدواداچوونیان بۆ کراوە، بەم نزیکانە دەستگیر دەکرێن و ڕادەستی دەسەڵاتی دادوەری دەکرێن.
ئا:ج
