سەرۆکوەزیرانی ئەو وڵاتە دەڵێت، ئێران لە سوید باندی تاوانکاری ڕێکخراوی توندوتیژ بەکار دێنێت بۆ ئەوەی لەناو وڵاتەکەیاندا هێرشی بەوەکالەت ئەنجام بدات.
ئولف کریستێرسۆن سەرۆکوەزیرانی سویس دەڵێت، ئێمە و وڵاتانی دراوسێمان لەبەردەم هەڕەشەی هێرشداین، بەڵام نەک بە مووشەک و سەرباز، بەڵکوو لە ڕێگەی کۆمپیۆتەر و پارە و زانیاریی هەڵە و ئاژاوەگێڕییەوە هەڕەشەمان لێ دەکرێت.
سەرۆکوەزیرانی سوید دەشڵێت، ئێستا وڵاتەکەی لە حاڵەتی شەڕدا نییە، بەڵام لە ئاشتییشدا نییە، چونکە ئاشتیی ڕاستەقینە بە واتای بوونی ئازادی و نەبوونی شەڕ و تێکهەڵچوون لەنێو وڵاتاندایە، بەڵام هەڕەشەکانی ئێران و ڕووسیا بەردەوامن، بۆیە دەبێ ئامادەییی بەرگریی ئێمەش بەردەوام بێت.
