ئاژانسی نێودەوڵەتیی وزە دەڵێت، گەشەی بەرهەمهێنانی گازی ئێران لە ساڵی ٢٠٢٤ کەمتر لە ٢٪ بووە و ئەگەری هەیە ئەمساڵ تەنیا ١٪ بێت.
بەهۆی نەبوونی فرەیی سەبەتەی وزە لە ئێران، غاز ٧٠٪ و بەرهەمە نەوتییەکان ٣٠٪ی وزەی ئەم وڵاتە پێک دێنن و سەرجەم بەکارهێنانی وزەی پاک، وەکوو وزەی خۆر، ئاو، با و وزەی ئەتۆمی ناگەنە ١٪ی وزەی بەکارهێنراوی ئەم وڵاتە.
هاوکات بەهۆی ئەوەی خواستی نێوخۆی ئێران بۆ بەکارهێنانی گاز ٥٪ زیادی کردووە و حکوومەتیش ناتوانێت کار لەسەر کێڵگەی نوێی برهەم‌هێنانی بکات، هەروەها ساڵانە زیاتر لە ٢٠ ملیار مەتری سێجا گاز بە بەهای ٨ ملیار دۆلار لە شوێنی بەرهەمهێنانەکەی دەسووتێنێت، ساڵی ٢٠٢٤ لە هەرچوار وەرزی ساڵدا گاز کورتی هێناوە و بەهۆی ئەویشەوە کورتهێنانی کارەبا لە ئێران هەبوو.
