سەرۆککۆماری تورکیا، ڕەجەب تەیب ئەردۆغان، ڕایگەیاند تیمەکانی فریاگوزاری گەیشتوونەتە تەرمی 19 کەس لەو فڕۆکە بارهەڵگرەدا کە دوێنێ لە سنووری ئازەربایجان و گورجستان کەوتبووە خوارەوە.
ئەردۆغان ئاماژەی بەوە دا کە سندووقە ڕەشەکەی فڕۆکە بارهەڵگرەکە، کە لە ئازەربایجانەوە بەرەو تورکیا دەهات و لەنێو سنووری گورجستاندا ڕووخا، دۆزراوەتەوە. کارەکانی گەڕان بەدوای تەرمێکی دیکەشدا بەردەوامە. فڕۆکەکە لە جۆری C-130 بووە و دوێنێ کاتژمێرەکانی ئێوارە کەوتبووە خوارەوە.
پێشتر ڕاگەیەندرا بوو کە لە فڕۆکەکەدا، جگە لە فڕۆکەوانەکان، 20 کارمەند هەبوون و هیچ کەسێک لەوان ڕزگاری نەبووە. لێکۆڵینەوەکان بۆ زانینی هۆکاری ڕووداوەکە بەردەوامن.