بەپێی زانیارییەکانی ناو پەرلەمانی تورکیا، کۆمسیۆنی تایبەتی پەرلەمان بۆ چارەسەرکردنی پرسی کورد، راپۆرتی کۆتایی خۆی بۆ پارت و لایەنە سیاسییە ئەندامەکانی کۆمسیۆن ناردووە. ئەم هەنگاوە بە مەبەستی پێداچوونەوە و هەڵسەنگاندنی ناوەڕۆکی راپۆرتەکە ئەنجام دراوە.
چاوەڕێ دەکرێت دوای کۆکردنەوەی تێبینی و پێشنیارەکان، دەقی کۆتایی راپۆرتەکە ئامادە بکرێت و دواتر بخرێتە بەر پەسەندکردن. بڕیارە سبەی کۆبوونەوەیەکی کۆمسیۆن بەرێوەبچێت و لەوێدا وردەکارییەکانی ناو راپۆرتەکە تاوتوێ بکرێن.
ئەم پڕۆسەیە لە کاتێکدا بەڕێوەدەچێت کە تولای حاتیمئۆغڵاری، هاوسەرۆکی پارتی دیموکراتی گەلان (DEM Parti)، ئەمڕۆ ڕایگەیاندووە کە کاتی هەنگاوی کردەیی بۆ چارەسەری پرسی کورد گەیشتووە.