عەباس عێراقچی، وەزیری دەرەوەی ئێران، و ئەمیر حاتەمی، فەرماندەی گشتیی سوپای ئێران، لە لێدوانێکی ڤیدیۆیی هاوبەشدا جەختیان لە هاوتەریببوونی بواری سەربازی و دیپلۆماسی کردەوە.
عێراقچی گوتووە گۆڕەپانی سەربازی و دیپلۆماسی لە یەک سەنگەرداندا کار دەکەن بۆ بەرگری لە بەرژەوەندییە نیشتمانییەکان و مافی خەڵکی ئێران، و دیپلۆماسیش بە پشتیوانی ئەو هێزە سەربازییانە بەهێز دەبێت.
ئەمیر حاتەمیش گوتی: دوژمن تەنیا لە زمانی هێز تێدەگات و ئێران لە ئاستێکی بەرزی ئامادەییدایە بۆ بەرگری. ئەو ئاماژەی بەوە دا کە توانای بەرگریی ئێران زیاتر بووە و هەر هەڵەیەکی دوژمن وەڵامێکی توندی لەدوادا دەبێت.
