دوای ٤٠ ساڵ، شاری دیاربەکر لە لیستی “ناوچە مەترسیدارەکان” و “ناوچەی سوور”ی وڵاتانی ئەورووپا دەرهێنرا.
بەرپرسانی گەشتوگوزاری شارەکە ڕایانگەیاند، بەهۆی سەقامگیریی دۆخەکە و دەستپێکردنی پرۆسەی ئاشتی، ئێستا کۆمپانیاکان دەتوانن بیمەی گەشتیاری بۆ سەردانیکەران دابین بکەن، کە پێشتر ئەمە بەربەستێکی سەرەکی بوو. بەپێی ئامارەکان، ژمارەی گەشتیاران ڕووی لە زیادبوون کردووە، بە جۆرێک لە ساڵی ٢٠٢٥دا نزیکەی ١.٦ ملیۆن گەشتیار سەردانی دیاربەکریان کردووە.