تورکیا رایگەیاند ، مووشەکێکی بالیستی کە بەرەو ئاسمانی تورکیا دەهات، دوای ئەوەی لە ئێرانەوە هەڵدرا و بە ئاسمانی عێراق و سووریادا تێپەڕی، لە کاتی خۆیدا بە سەرکەوتوویی لەلایەن هێزەکانی بەرگریی ئاسمانی و مووشەکیی ناتۆوە کە لە ڕۆژهەڵاتی دەریای ناوەڕاست جێگیرکراون، بەرپەرچ درایەوە و لەکار خرا.
دەرکەوتووە کە ئەو پارچە تەقەمەنییەی لە قەزای دۆرتیۆلی سەر بە پارێزگای هاتای کەوتووەتە خوارەوە، پاشماوەی ئەو تەقەمەنییەی بەرگریی ئاسمانییە کە بۆ بەرپەرچدانەوەکە بەکارهاتووە، ئەمەش دوای لەناوبردنی هەڕەشەکە لە ئاسماندا. ڕووداوەکە هیچ زیانێکی گیانی و بریندارێکی لێ نەکەوتووەتەوە.
هەموو هەنگاوێکی پێویست بۆ بەرگریکردن لە خاک و ئاسمانی وڵاتەکەمان بە پێداگری و بێ دوودڵی دەگیرێتەبەر. بیرتان دەخەینەوە کە مافی وەڵامدانەوەمان بۆ هەر کردارێکی دوژمنکارانە دژی وڵاتەکەمان پارێزراوە.
هۆشداری دەدەینە هەموو لایەنەکان کە خۆیان بەدوور بگرن لە هەر کارێک کە ببێتە هۆی زیاتر تەشەنەسەندنی ململانێکان لە ناوچەکەدا. لەم ڕووەوە، بەردەوام دەبین لە ڕاوێژکردن لەگەڵ ناتۆ و هاوپەیمانەکانی دیکەمان.
