گوتەبێژی وەزارەتی دەرەوەی ئێران لەسەر لێدوانێکی سیناتۆری ئەمریکا لیندزی گراهام گوتی، بابەتەکە پەیوەندی بەنەوتەوە هەیە.
ئەمڕۆ دووشەممە، 9ـ3-2026، ئیسماعیل بەقایی، گوتەبێژی وەزارەتی دەرەوەی ئێران گرتە ڤیدۆییەکی سیناتۆری ئەمریکی لیندزی گراهامی لە پلاتفۆرمی ‘ئێکس’ پۆست کردووە و لەسەر نووسیووە ‘ساتێکی دەگمەنی راستگۆیی، بابەتەکە تەنیا نەوتە’.
لیندزی گراهام لە چاوپێکەوتنێکیدا لەگەڵ کەناڵی فۆکس نیوزی ئەمریکی دەڵێت، “ڤەنزوێلا و ئێران خاوەنی 31%ی یەدەگی نەوتی جیهانن، ئێمەش هاوبەش دەبین لەگەڵیان”.
لە 28ـی شوباتی 2026، ئیسرائیل و ئەمریکا بەهاوبەشی هێرشیان کردە سەر ئێران و هەرچی بارەگا و دامەزراوەی سەربازیی ئەم وڵاتە هەیە بۆردومانیان کرد، لە ئەنجامی هێرشەکانیش عەلی خامنەیی رێبەری باڵای ئێران و چەندین فەرماندە و بەرپرسی باڵای ئەو وڵاتە کوژراون.
