جۆزێف عۆن، سەرۆککۆماری لوبنان، ڕای گەیاند ڕاوێژەکان بۆ درێژکردنەوەی ماوەی ئاگربەستی نێوان ئیسرائیل و لوبنان بەردەوامن. ئەم قسانە لە بەرەبەیانی خولی دووەمی دانوستانەکانی نێوان هەردوو وڵات لە واشنتۆن لە ڕۆژی پێنجشەممەدا هاتن. هەردوولا لە نێوەڕاستی ئاگربەستێکی کاتیی ١٠ ڕۆژەدان و چوار ڕۆژی بۆ کۆتایی ماوە.
عۆن لە پەیامێکدا لە ئێکس نووسی دانوستانەکان لەسەر بنەمای ڕاگرتنی تەواوی دەستدرێژییەکانی ئیسرائیل، کشانەوەی ئیسرائیل لە خاکەکانی لوبنان، گەڕانەوەی دیلەکان، جێگیرکردنی سوپا لە سنوورە نێودەوڵەتییەکان و دەستپێکردنی ئاوەدانکردنەوەی وێرانکارییەکانی شەڕ داڕێژراون. ناوبراو جەختی کردەوە هەڵوێستی لوبنان بەرانبەر دانوستانەکان ڕوونە: نە سازش، نە مامەڵە و نە تەسلیمبوون؛ تەنها ئەوەی سەروەریی لوبنان و بەرژەوەندیی هەموو لوبنانیەکان دابین بکات.لە بەیاننامەی نووسینگەکەدا هاتووە پاڵپشتیی ویلایەتە یەکگرتووەکانی ئەمریکای هەلێکی بۆ لوبنان ڕەخساندووە و نابێت لەدەست بدرێت.
هەواڵی پێشوو
هەواڵی داهاتوو