ناوەندی گەنجان بە هاوبەشی لەگەڵ بەڕێوەبەرایەتی سینەما و شانۆی هەولێر، چالاکییەکی کولتووری و هونەری ڕێکدەخات. ئەویش نمایشکردنی فیلمی کۆمێدی (باوڵ)ە٠
فیلمی سینەمایی (باوڵ) بەرهەمێکی نوێی کوردییە و ناوەڕۆکێکی کۆمێدیی هەیە، تیشک دەخاتە سەر بابەتە کۆمەڵایەتییەکان لە قالبێکی تەنزئامێزدا.
فیلمەکە لە دەرهێنانی دەرهێنەر دیاکۆ بایزە و بەشێک لە ئەکتەرە دیارەکانی بواری کۆمێدیای تێدایە.
فیلمەکە کاتژمێر حەوتی ئێوارەی ئەمڕۆ پێنجشەممە، ٩ی تەممووزی ٢٠٢٦ لە هۆڵی ناوەندی گەنجان لە هەولێر نمایش دەکرێت.