ئەمڕۆ سێشەممە، 07-05-2024، مەسرور بارزانی، سەرۆکی حکوومەتی هەرێمی کوردستان، پێشوازی لە پێدرۆ مارتینیز ئەڤیال، باڵیۆزی شانشینی ئیسپانیا لە عێراق کرد کە بەبۆنەی کۆتاییهاتنی ئەرکەکەی سەردانی کرد بوو.
بە گوێڕەی ڕاگەیەندراوێکی حکوومەتی هەرێمی کوردستان، لە دیدارەکەدا پەرەپێدانی پەیوەندیی دوولایەنە و دوایین گۆڕانکاری و پێشهاتەکانی عێراق تاوتوێ کراون.
لە ڕاگەیەندراوەکەدا هاتووە، “سەرۆکی حکوومەت سوپاسی باڵیۆزی کرد بۆ کارکردنی لە پێناو بەهێزکردنی پەیوەندییەکانی ئیسپانیا لەگەڵ عێراق و هەرێمی کوردستان، هیوای سەرکەوتنیشی لە ئەرکی داهاتوویدا بۆ خواست”.
باڵیۆزی ئیسپانیا پێزانینی خۆی بۆ حکوومەتی هەرێمی کوردستان دەربڕی بۆ پشتیوانیی و هاریکاریکردنی لە سەرخستنی ئەرکەکەی.