لە یاری قۆناغی پێش کۆتایی خولی یانە پاڵەوانەکانی ئەوروپا، یانەی پاریس سانجێرمان میوانداری بروسیا دۆرتمۆندی کرد.
لە ئەنجامدا یانەی بوروسيا دۆرتمۆند توانی بە گۆڵێکی بێبەرامبەر شکست بە پاریس بهێنێت و بگاتە یاری کۆتایی.
لە تایمی یەکەم پاریسی خاوەن یاریگا کۆنترۆڵی تۆپ و یارییەکەیان کرد و باشتر بینران و بە پشت بەستن بە هاندەرانیان، بەڵام نەیانتوانی هیچ گۆڵێک تۆماربکەن و تایمی یەکەم بە یەکسانی کۆتایپێهات.
هەر لە سەرەتاکانی تایمی دووەمدا و لە خولەکی 50دا لە لێدانێکی گۆشە یاریزان هومێڵز بە لێدانێکی سەر دۆرتمۆندی میوانی پێشخست، پاش ئەوە پاریسیەکان بە تەواوی کۆنترۆڵی یارییەکەیان کرد، بەڵام هیچ کامیان نەیانتوانی گۆڵ تۆماربکەن و یارییەکە بە گۆڵێکی بێوەڵام لە بەرژەوەندی بروسیا دۆرتمۆند کۆتاییپێهات.
بە پشت بەستن بە یاری هاتن و چوون بروسیا دۆرتمۆند بە دوو گۆڵی بێوەڵام شکستی بە پاریس هێنا و گەیشتە یاری کۆتایی و چاوەڕێی براوەی ریال مەدرید و بایرن میونشن دەکەن.