هاری کەینی هێرشبەری ئینگلیزی و یانەی بایرن میونشن لە نوێترین لێدوانیدا بە تامەزرۆییەوە باسی لە شانازییکردنی بە ئاستی خۆی لە وەرزی ٢٠٢٥ بۆ ٢٠٢٦ کرد و بە شایستەی کێبڕکێکردن لەسەر خەڵاتی باڵۆندۆری بینی.
چونکە توانیویەتی لەگەڵ بایرن میونشن نازناوەکانی بوندسلیگا و جامی ئەڵمانیا بباتەوە؛ لە یەکەمیاندا بە تۆمارکردنی ٣٦ گۆڵ لە ٣١ یاریدا خەڵاتی پێڵاوی زێڕینی ئەوروپای بەدەستهێنا و لە دووەمیشیاندا لە شەش یاریدا ١٠ گۆڵی تۆمار کرد.
لە سەر ئاستی ئەوروپاشدا، بە تۆمارکردنی ١٤ گۆڵ بووە دووەم گۆڵکاری خولی یانە پاڵەوانەکانی ئەوروپا (چامپیۆنزلیگ)، ئەمەش لە پاڵ تۆمارکردنی شەش گۆڵ لەگەڵ هەڵبژاردەی ئینگلتەرا لە جامی جیهانیی ٢٠٢٦دا کە تیپەکەیان توانی پلەی سێیەمی پاڵەوانێتییەکە بەدەستبهێنێت.
کەین جەختی لەوە کردەوە کە باڵۆندۆر گەورەترین خەڵاتی تاکەکەسییە و سەرەڕای بوونی کێبڕکێیەکی سەخت لەلایەن یاریزانانی وەک لامین یامال، ڕۆدری و لیۆنێل مێسییەوە، ئەوەی لە توانایدا بووە پێشکەشی کردووە و بە تامەزرۆییەوە چاوەڕێی بڕیاری کۆتایی دەکات لە چەند مانگی داهاتوودا.