وه‌زاره‌تی ته‌ندروستی له راگه‌یه‌نراوێكدا داوای له هاوڵاتیان كرد كه‌وا لە دەرمان و پێداویستی پزیشکی بێ ستیکەر مامەڵەی تاوانی لەگەڵدا دەکرێت، داوای له‌هاڵاتیان كرد، ده‌رمانی بێ ستیكه‌ر نه‌كڕن.
ئه‌مه‌ش راگه‌یه‌نراوه‌كه‌یه:
هاوڵاتی بەڕێز …
خۆت دوور بگرە لە هەر دەرمان یان هەر پێداویستیەکی پزیشکی بێ ستیکەری کوالیتی کۆنتڕۆڵ.
خۆت دڵنیا بکەوە لە بوونی ستیکەر و کۆدی کوالیتی کۆنتڕۆڵ.
دەرمان و پێداویستی پزیشکی بەبێ کوالیتی کۆنتڕۆڵ بە دەرمانی نایاسایی و قاچاغ دادەنرێت، تکایە ئەگەر بینیت بێ ستیکەرە، وەریمەگرە و مەیکڕە و هەواڵی تیمی چاودێری بدە بە پەیوەندیکردن بە هێڵی گەرمی ژمارە مۆبایلی ڕاستەوخۆی کۆڕەک 07502356000
وەتسئەپی هەمان ژمارە.
هەمووکۆمپانیا و کۆگا و دەرمانخانەکان ئاگادارکراینەوە.
لە هەر شوێنێک دەرمان و پێداویستی پزیشکی بێ ستیکەر هەبێت، مامەڵەی تاوانی لەگەڵدا دەکرێت و سزای توند دەدرێت.
بەرژەوەندی و تەندروستی هاوڵاتی لەسەرووی هەمووانە…
وەزارەتی تەندروستی
حکومەتی هەرێمی کوردستان
13 ئایار 2024