ئهڤرۆ ڕۆژا پێنجشهمبی ١٧ی ئهیلولا ٢٠٢٦ێ ب چاڤدێری و ئامادهبونا بهڕێز”د.عهلی تهتهر”پارێزگارێ دهوكێ و بهڕێزان “د.مهردان خدر” بهرپرسێ لقێ ٩ یێ پارتی دیموكراتی كوردستان ل ئاكرێ و “عهلی بهندی “بهرپرسێ لقێ ٢٧ یێ پارتی دیموكراتی كوردستان ل بهردهڕهش و”د.دلاوهر بوزو” دهڤهردارێ ئاكرێ و” ئهحمهد جهمیل”ڕێڤهبهرێ گشتی یێ چاندنێ ل پارێزگهها دهوكێ و هژمارهكا بهرپرسێن دامودهزگایێن جودا و جوتیارێن دهڤهرێ ,ڤیستهڤالا سێیێ یا بهرههمێن خوماڵی بوو ماوێ سێ ڕۆژان ل دهڤهردارییا ئاكرێ هاته ڤهكرن كۆ ١٠٠جهێن بهرچاڤكرنا جورێن بهرههمێن دهڤهرێ بخوڤه دگریت.
بهڕێز پارێزگارێ دهوكێ د پهیڤهكێدا جهخت لسهر بهردهوامییا پیشكێشكرنا پڕۆژێن چاندنێ بو ڤهژاندنا كهرتێ گشتوكاڵی و پتر بهرههمئینا بهرههمێن نافخویی ل ئاكرێ و ههمو دهڤهران كر و دا دیاركرن حكومهتا ههرێما كوردستانێ ههموو ئاسانكارییان بو پێشڤهچونا بهرههمێن نافخوی دكهت,پاش دهستخوشی ل ڕێكخهرێن ڤیستهڤاڵێ كر و خواست ههمو جوتیارێن ب بهرههمێن خۆ بهشداری تێدا كری سودمهند ببن.