لە درێژەی یارییەکانی هەفتەی 36ی خولی ئیسپانیا، یانەی ریال مەدرید لە یاریگای خۆیدا میوانداری یانەی دیپۆرتیڤۆ ئالاڤێسی کرد.
لە کۆتاییدا یانەی مێرنگی توانی بە ئەنجامێکی گەورە و بە پێنج گۆڵی بێبەرامبەر شکست بە ئەلاڤێس بکات.
هەر تایمی یەکەمدا ریال باڵادەستی خۆی نیشاندا و توانی سێ گۆڵ لەڕێگەی یاریزانان جۆد بێلینگهام، ڤینیسیۆس جۆنیۆر و ڤالڤێردی لە خولەکەکانی 10 و 27 و یەکی زیادکراو تۆماریانکرد.
لە تایمی دووەمدا، یاریزانانی یانەی ریال لە ئاستە بەرزەکەیان بەردەوام بوون چەندین هێرشی تریان بردە سەر گۆڵی ئەلاڤێس تاکو و دوو گۆڵی تریان لە خولەکەکانی 70 و 81 لە رێگەی ڤینیسیۆس جۆنیۆر و ئاردا گولەرەوە تۆمارکرد و یارییەکەش بەو شێوەیە کۆتاییهات.
بەم سەرکەوتنە، ریالی پاڵەوان بووە خاوەنی 93 خاڵ، ئەلاڤێسیش 42 خاڵی هەیە و لە پلەی 11 دایە.