لە تۆڕە کۆمەڵایەتییەکاندا ملیۆنان فایلە دەنگی بۆ بەدەستهێنانی خەوی قوڵ و هێورکردنەوەی مێشک بڵاو دەکرێنەوە، بەڵام لێکۆڵینەوە تاقیگەیییە نوێیەکان و ڕای زانایان نیشانی دەدەن کە کاریگەریی ئەم دەنگانە سنووردارە و بەو شێوەیە نییە کە باس دەکرێت.
دەنگی سپی (White Noise): وەک دەنگی سپلیت یان تەلەڤیزیۆنە کۆنەکان کە بێتەل نەبوو، هەموو فریکوێنسەکان بە یەک ئاست تێیدا هەن.
دەنگی پەمەیی (Pink Noise): وەک بارانبارینی بەردەوام و فریکوێنسە نزمەکان تێیدا باڵادەستن.
دەنگی قاوەیی (Brown Noise): لە دەنگی هەورەبروسکە و شەپۆلی گەورە دەچێت.
ئەم دەنگانە لە ڕێگەی «ماسکی دەنگی» (Sound Masking) یارمەتی دەدەن دەنگە لەناکاوەکانی دەرەوە کەمتر ببن و سەرنجی مێشک ڕانەکێشن.
لێکۆڵینەوەکانی زانکۆی پینسلفانیا لە ساڵی ٢٠٢٠ و بەدواداچوونەکانی ٢٠٢٢ و ٢٠٢٦ ئاشکرایان کرد کە بە پێچەوانەی باوەڕی گشتییەوە، هیچ بەڵگەیەکی پزیشکیی تۆکمە نییە کە بیسەلمێنێت دەنگی سپی یان پەمەیی ڕێگەیەکە بۆ چارەسەری یەکجاریی بێخەوی.
توێژینەوەیەکی نوێ لە ساڵی ٢٠٢٦دا دەریخست کە دەنگی پەمەیی لە بارودۆخی تاقیگەییدا لەوانەیە ببێتە هۆی کەمبوونەوەی قۆناغی خەوی REM (قۆناغی خەونبینین و پرۆسێسکردنی هەستی)، هەروەها بەکارهێنانی گوێچکەبەند لەم دەنگانە کاریگەرتر بووە.
بۆ کەسانی خاوەن نیشانەی کەم‌سەرنجی (ADHD)، ئەم دەنگانە لە کاتی کاردا لەوانەیە یاریدەدەر بن، بەڵام بۆ کەسانی ئاسایی کاریگەریی پێچەوانەی دەبێت.
ئاگادارکردنەوەی پزیشکانی منداڵان لە ئەمریکا ئەوە دەخاتە ڕوو کە دەنگی بەرز و بەردەوامی ئامێرەکان دەتوانێت زیان بە بیستنی هەستیاری کۆرپە بگەیەنێت.