ئه‌ڤرۆ ڕۆژا سێشه‌مبی ١٠ێ چریا دویێ یا ٢٠٢٦ێ به‌ڕێز”د.عه‌لی ته‌ته‌ر”پارێزگارێ دهوكێ پێشوازی ل به‌ڕێز” ئه‌حلام كه‌مال سه‌ید حسێن”به‌رزنجی كر كۆ وه‌ك ئێكه‌م ئافره‌ت لسه‌ر ئاستێ كوردستانێ وه‌كو سه‌رپه‌رشتیارا ده‌سته‌یا ئافره‌تێن عه‌ره‌بی ل جنێفا پایته‌ختێ سویسرا هاتیه ده‌ستنیشانكرن.
د ڕونشتنه‌كێدا به‌ڕێز پارێزگارێ دهوكێ پیروزباهی لێكر كۆ د بوارێ ناڤبریدا ده‌ستبكاربوی و هێڤیا سه‌ركه‌فتنێ بو خواست و ئێكه‌م كارێ وان یێ ڤه‌كرنا سه‌نته‌رێ ڤه‌دیتنێن پێشوه‌خته یێن دیاركرنا په‌نجه‌شێرا سینگی و ڕه‌حمی بو ئافره‌تان ل باژێرێ دهوكێ ب شێوه‌كێ بێ به‌رامبه‌ر ب گرنگ دا زانین و دوپاتی لسه‌ر پشته‌ڤانییا هه‌مو كارو بزاڤێن د بوارێ چاڤدێری و چاره‌سه‌رییێن نه‌خوشییێن جوداجودا كر.