بەرپرسانی پاکستان ڕایانگەیاند، بە تەقەی هێزەکانی ئێران چوار هاووڵاتیی پاکستانی لە پارێزگای بەلووچستانی ئەم وڵاتە کوژران و دوو کەسی دیکەش بریندار بوون.
عومەر جەمالی و نەعیم عومرانی، جێگرانی کۆمیسەری ناوچەی واشۆکی بەلووچستانی پاکستان دەڵێن، هێزەکانی ئێران لە سنووری نێوان ئەم دوو وڵاتە لە ناوچەی واشۆک تەقەیان کردووە و بەرپرسانی وڵاتەکەیان دەستیان بە کۆڵینەوە لە هۆکاری تەقەکردنەکە کردووە.
لە مانگی کانوونی دووەمی ڕابردوو ئێران بە مووشەک هێرشی کردە سەر بەلووچستانی پاکستان و دوو منداڵی کوشت. لە وەڵامدا پاکستانیش هێرشی کردە سەر بەلووچستانی ئێران و ٩ هاووڵاتیی ئێرانی کوشت.