نرخى نەوت لە بازاڕەکانى جیهان بۆ ئەمڕۆ گۆڕانکارییان بەسەرداهاتوە و هەریەک لە نرخی نەوتى خاوى برێنت و تەکساسى ئەمەریکیش نرخەکەیان بەراورد بە رۆژی پێشتر دابەزینى تۆمار کردوە.
ئەمڕۆ دووشەممە لە بازاڕەکانى جیهان، نرخى بەرمیلێک نەوتى خاوى برێنت بە 81 دۆلار و 2 سەنت مامەڵەی پێوەدەکرێت و نرخەکەى بەراورد بە دوێنێ 9 سەنت دابەزیوە.
هەروەها نەوتى تەکساسى ئەمەریکیش نرخەکەی بە 76 دۆلار و 95 سەنت مامەڵەی پێوەدەکرێت و نرخەکەی بەراورد بە رۆژی پێشتر چوار سەنت دابەزیوە.
سەرەڕای درێژکردنەوەی کەمکردنەوەکانی خستنەڕووی نەوت لەلایەن هاوپەیمانیی ئۆپێک پڵەس، نرخی نەوت دابەزی، شرۆڤەکارانیش دەڵێن رێککەوتنەکەی ئۆپێک پڵەس لەلایەن بازاڕەوە بە نەرێنی وەرگیرا.