لیژنەی وزە و کارەبا لە ئەنجومەنی نوێنەرانی عێراق بۆ زیاتر کەلک وەرگرتن و بەرەوپێشەوە بردنی کەرتی وزە وو کارەبای عێراق سەردانی مۆسکۆی پایتەختی ڕوسـیا کرد.
لەم بارەیەوە ئامانج ههركی، لیژنەی وزە و کارەبا لە ئەنجومەنی نوێنەرانی عێراق، بە ئاژانسی هەواڵی زاگرۆسی راگەیاند: کە لە چوارچێوەی سەردانەکەماندا وەکو لیژنەی وزە و کارەبا لە ئەنجومەنی نوێنەرانی عێراق بـۆ مۆسکۆی پایتەختی ڕوسـیا، لیژنەی وزە کۆبوونەوەیەکمان لەگەڵ لیژنەی وزەی ڕوسـیا ئەنجامـدا.
هەروەها ئامانج ههركی، لیژنەی وزە و کارەبا لە ئەنجومەنی نوێنەرانی عێراق ئەوەشی بۆ ئاژانسی هەواڵی زاگرۆس خستەروو ، کە لە کۆبوونەوەکە دا باس لە میکانیزمی هاوکاری نێوان عێراق و ڕووسیا لە بواری وزەی نوێبووەوە و دامەزراندنی وێستگەی کارەبا بە شێوەیەک کرا کە خزمەت بە هەردوو وڵات بکات.
رێباز یونس