ئەڤرۆ ب مەرەما پتر خزمەتکرنا خەلکێ ل سنوورێ ئیدارا سەربەخۆ یا زاخۆ، گوهدار شێخۆ سەرپەرشتێ ئیدارا سەربەخۆ یا زاخۆ، د گەل ئالیێن پەیوەندیدار کۆمبوو.
لگورەی راگەهاندنا ئیدارەیا سەربەخۆیا زاخۆ، د کۆمبوونێدا، بەحس ل بابەتێن گرێدایی ژین و ژیارا خەلکێ ڤە هاتە کرن، کو پتر خزمەتا خەلکێ بهێتە کرن د هەموو روویەکێدا، هەروەسا بەحس ل کێمکرنا ڕووتینیاتان و نەهێلانا گەندەلیێ ژی هاتە کرن.
هەر د کۆمبوونێدا بەحس ل هەماهەنگیا باشتر دناڤبەرا دەزگەهێن مە یێن حکومیدا ژی هاتە کرن، دا بکارین وان ئاریشەیێن مایین هەلاویستی چارەسەربکین وبێخینە د خزمەتا خەلکێ دەڤەرێدا، بکارین باژێرێ ژ هەموو ڕوویەکێڤە پێشبێخین.
شێخۆ، د کۆمبوونێدا دیارکر، کو هەموو دام و دەزگەهێن مە هەست ب بەرپرسیارەتیێ بکن، چونکی ئارمانجا مە ڕازیکرنا خەلکێ مەیێ هێژایە، و سوپاسیا خەلکێ خوە دکین کو، هەتا نها هەڤکارن د گەل مەدا.