لە رێوڕەسمێکدا لە هەولێر، رێز لە شاعیر و پەروەردەکار ئیسماعیل بەرزنجی نرا کە خاوەنی بیرۆکەی مۆزەخانەی پەروەردەییە.
رێوڕەسمەکە بە ئامادەبوونی پارێزگاری هەولێر، بەڕێوەبەری گشتی رۆشنبيرى و هونەرى هەولێر، بەڕێوەبەری گشتیی دیوان لە وەزارەتی پەروەردە، سەرۆكى لقى هەولێرى يەكێتیى نووسەرانى هەولێر، بەڕێوەبەری پەروەردەی دەشتی هەولێر و ماڵبات و ژمارەیەكی بەرچاو لە میوان و هاوڕێ و دەزگاکانی راگەیاندن بەرێوەچوو.
وێڕای خوێندنەوەی وتار، قەڵغانی بەرێوەبەرایەتی گشتی رۆشنبیری وھونەری و پارێزگای هەولێر، هەروەها چەندین چەپكەگوڵ پێشكەش بە ئیسماعیل بەرزنجی كران، دواتر مێزی یادەوەری ئەو پەروەردەکارە لە مۆزەخانەكەدا دانرا.
