سەرپەرستی وەزارەتی دەرەوەی ئێران دەڵێت دانوستانەکانی زیندووکردنەوەی ڕێککەوتننامەی ئەتۆمی لە نێوان ئێران و ئەمریکادا، بە شێوەی ناڕاستەوخۆ و بە نێوبژیوانیی عومان هەر بەردەوامە.
عەلی باقری کەنی، لە گفتوگۆیەکدا لەگەڵ “کاناڵی خەبەر”ی ئێران گوتی: دانوستانەکان بەردەوامن و ئاراستەی دانوستانەکان بەرەو پێشەوەیە. وەزارەتی دەرەوە دەیهەوێت تا هاتنەسەرکاری کابینەی چاردەهەم، بوار بۆ بەردەوامبوونی دانوستانەکان لە حکوومەتی داهاتووشدا خۆش بکات.
ئەم قسانەی سەرپەرستی وەزارەتی دەرەوەی ئێران لە کاتێکدایە کە جۆن کێربی، گوتەبێژی ئەنجومەنی ئاسایشی نیشتمانیی کۆشکی سپی چەند ڕۆژ پێشتر ڕایگەیاندبووو، بە هاتنە سەرکاری حکوومەتێکی نوێ لە ئێران دانوستانەکانی زیندووکردنەوەی ڕێککەوتننامەی ئەتۆمی دەست پێ ناکەنەوە و ئەوان پێیان وایە بە گۆڕینی سەرۆککۆمار، سیاسەتە گشتییەکانی کۆماری ئیسلامیی ئێران ناگۆڕێن.
هەواڵی پێشوو