پێشبینی دەکرێت مووچەی کەرتی حکوومی بۆ ساڵی 2024 بۆ یەکەمجار لە مێژووی عێراقدا بەربەستی 50 ترلیۆن دیناری عێراقی تێپەڕێنێت و بگاتە 56 ترلیۆن دینار.
مەنار عوبەیدی، سەرۆکی دامەزراوەی “عێراق ئەلموستەقبەل” بۆ توێژینەوە و ڕاوێژکاری ئابووری، ڕایگەیاند، پێشبینی دەکرێت مووچەی کەرتی حکوومی بۆ ساڵی 2024، بۆ یەکەمجار لە مێژووی عێراقدا، دەگاتە 56 ترلیۆن دیناری عێراقی، واتە زیاتر لە 44%ی کۆی خەرجییەکان پێکدەهێنێت، دوای ئەوەی لە ساڵانی ڕابردوودا کەمتر لە 40%ی کۆی خەرجییەکانی عێراق بوو.
دەشڵێت: کۆی گشتی مووچەی کەرتی حکوومی تا ناوەڕاستی ساڵی 2024، 28 ترلیۆن دیناری عێراقی بووە، کە بە بەراورد بە ساڵی ڕابردوو 19% زیادی کردووە، ئەمەش ئاماژەیە بۆ ئەوەی پێشبینی دەکرێت کۆی داهاتی ساڵی 2024، بەراورد بە ساڵی پێشوو سەرەڕای زیادبوونی داهاتی نانەوتی 3% کەمببێتەوە، بەڵام بە کەمبوونەوەی داهاتی نەوت قەرەبوو دەکرێنەوە.
ئا:ج
