ڕابەر حوسێن بەڕێوەبەری ئاوی هەولێر ڕایگەیاند: کارەکانی بەیەک بەستنەوەی هێلەکانی پرۆژەی ئاوی ئیفراز سێ نزیکبووەتەوە لە کۆتایی و بە تەواوەتی بە گوێرەی ئەم پلانانەی دامان نابوو بەڕێوەچووە.
بەڕێوەبەری ئاوی هەولێر ڕایگەیاند: لە ماوەی نزیکەی چوار کاتژمێردا، 70 هەزار مەتر سێجا ئاو لە ڕێگەی هێلەکانی ئاوی ئیفرازەوە دەخرێتەوە ناو ئەمبارەکان و دەست بە دابەشکردنی ئاسایی ئاو دەکرێتەوە لەگەڕەکەکان، بۆ ئاسایی بوونەوەی بارودۆخی تەواوی گەڕەکەکان، پێشبینی دەکەن بە دوو ڕۆژ بکەوێتەوە باری ئاسایی خۆی.
پرۆژەی ئاوی ئیفراز نزیکەی 30٪ ی ئاوی هەولێر دابین دەکات، بە چاککردنەوەی پەمپمە سەرەکیەکە پرۆژەکە ٪20 ی ئاو لە پرۆژەی ئاوی ئیفراز سێ زیاد دەکات و کە 60 هەزار مەتر سێجا ئاو لە رێژەی ئاوی شاری هەولێر لەڕۆژێکدا زیاد دەکات، بەمەش کێشەی کەم ئاوی بەشێکی زۆری گەڕەکەکانی شاری هەولێر چارەسەر دەکات.