ئاژانسی ئیرنا بڵاوی کردەوە مەسعوود پزیشکیان لە نامەیەکدا بۆ سەرۆکی مەجلیس، لیستەی وەزیرەکانی بۆ وەرگرتنی دەنگی متمانەی پەرلەمان ڕادەستی مەجلیس کردووە.
کابینەی پزیشکیان 19 وەزیری لەخۆ گرتووە و لە کابینەی پێشوو تەنیا وەزیری ئیتلاعات لە پۆستەکەی خۆیدا ماوەتەوە و هەموو وەزارەتخانەکانی دیکە، وەزیری نوێیان بۆ دەستنیشان کراوە.
محەممەد باقر قالیباف، سەرۆکی مەجلیسی ئێران پاش خوێندنەوەی نامەکەی پزیشکیان و لیستەی ناوی وەزیران لە نێو هۆڵی مەجلیس‌دا ڕایگەیاند کۆمیسیۆنە پەیوەندیدارەکان لە سبەینێوە دەست بە لێکۆڵینەوە لەسەر وەزیرەکان دەکەن و بە پێی خشتەیەک کە دیاریکراوە دەبێت هه‌تا کۆتایی ئەم هەفتەیە کاری ئەم کۆمیسیۆنانە کۆتایی پێ بێت.