ڕاپۆرتی وەبەرهێنانی ڕاستەوخۆی دەرەکی کە لەلایەن دامەزاروەی’FDIـی دەرچووە، کە پەیوەندی بە وەبەرهێنانی ڕاستەوخۆی دەرەکییەوە هەیە لە وڵاتە جیاوازەکاندا، باسی وەبەرهێنانەکانی عێراقی نەکردووە.
مەنار عوبێدی سەرۆکی دامەزراوەی ‘عێراق موستەقبەل’ بۆ لێکۆڵینەوە و ڕاوێژکاری ئابووری، ڕایگەیاندووە، ڕاپۆرتەکە بەشێکی لە سەر وەبەرهێنانی ڕاستەوخۆی دەرەکی لە ڕۆژهەڵاتی ناوەڕاست و ئەفریقا بووە، بەو پێیەی وەبەرهێنانی بیانی لەم ناوچانەدا بۆ ساڵی 2023 زیاتر لە 2,600 پڕۆژە بووە، کە بە ڕێژەی 19% بەرزبووەتەوە بە بەراورد بە ساڵی 2022.
بەگوتەی عوبێدی، بەهای وەبەرهێنانی بیانی لەم وڵاتانەدا 249 ملیار دۆلاری ئەمەریکی بووە کە بەم شێوەیە دابەشکراون،
1- ئیمارات 1279 پڕۆژە
2- سعوودیە 359 پڕۆژە
3-ئەفریقای باشوور 145 پڕۆژە
4- میسر 133 پرۆژە
5- پڕۆژەی مەغریب 95
عوبێدی گوتیشی: باسی وەبەرهێنان لە عێراق نەکراوە، بەڵام بەگوێرەی ئاماری دامەزراوەی نەتەوە یەکگرتووەکان بۆ بازرگانی و گەشەپێدان، بە بەهای 5 ملیار دۆلار وەبەرهێنانی بیانی لە ماوەی ساڵی 2023 لە عێراق چوونەتە دەرەوە، ئەمەش نەبوونی بەرژەوەندی وەبەرهێنەران بووە لە عێراق، سەرەڕای بەردەستبوونی تواناکان بەهۆی چەندین هۆکارەوەیە، یەکەمیان بریتین لە:
1- دابەزینی ژینگەی بازرگانی
2- دۆخی ئابووری و سیاسی
3- لاوازی بازاڕکردن و بەرەوپێشبردنی تواناکانی عێراق و دەرفەتەکانی وەبەرهێنان لە ناوخۆ و دەرەوە.
4- لاوازی دامودەزگا حکوومییەکان کە بەرپرسن لە دۆسیەی وەبەرهێنانی بیانی، لە ناوخۆ و دەرەوە، سەرەڕای زۆربوونیان.
5- گرنگینەدان بە وەبەرهێنانی کەرتی تایبەت بەگشتی و وەبەرهێنانی دەرەکی بەتایبەتر، بەو پێیەی لە پلانی گەشەپێدانی 2024-2028دا باس لە ستراتیجی پاڵپشتیکردنی وەبەرهێنانی دەرەکی نەکراوە.