جێگری فەرماندەی فەیلەقی قودسی سوپای پاسدارانی ئێران ڕایگەیاند ئیسرائیل 280 فەرماندەی باڵای بەرەی موقاوەمەی تیرۆر کردووە.
“محەممەدڕەزا فەلاح زادە” لە لێدوانێکدا لە شاری شیراز جەختی کردەوە تا کاتێک کە بۆمباران و هێرشەکانی ئیسرائیل بەردەوام بێت، هەڵمەتەکانی بەرەی موقاوەمەش بەردەوام دەبن.
ئاماژەی بەوەش کرد هێزەکانی سەر بە موقاوەمە لە عێراق تا ئێستا 100 هێرشیان کردووەتە سەر هێزەکانی ئەمریکا.
فەلاح‌زاده گوتی: ئیسرائیل لەسەر بنەمای تیرۆر دامەزراوە و لە سەرەتای دروستبوونی حکوومەتی ئیسرائیلەوە هەتا ئێستا 280 کەس لە فەرماندە باڵاکانی فەلەستین و موقاوەمە بە دەستی ئیسرائیل تیرۆر کراون و دوایین کەسیشیان ئیسماعیل هەنییە بوو.