لە یارییەکانی قۆناغی کۆمەڵەکانی نەیشنزلیگ، هەڵبژاردەی پورتوگال لە یاریگای خۆیدا میوانداری کرواتیای کرد.
لە ئەنجامدا پورتوگال توانی یارییەکە بە دوو گۆڵ بەرامبەر بە گۆڵێک شکست بە کرواتیا بهێنێت.
لەسەرەتای تایمی یەکەم پورتوگال بەهێز دەرکەوت و لە خولەکی حەوت لە رێگای دیگۆ دالۆتەوە گۆڵی یەکەمیان تۆمارکرد،
هەوڵی پورتوگالییەکان بەردەوام بوو تا لە خولەکی 34 کریستیانۆ رۆناڵدۆ گۆڵی دووەمی بۆ هەڵبژاردەکە تۆمارکرد،
پێش تەواوبوونی تایمەکەش لە خولەکی 41 کرواتیا بووە خاوەنی گۆڵی یەکەم کاتێک دالۆت بە هەڵە لە خۆیانی تۆمارکرد.
لە تایمی دووەم هەوڵەکانی هەردوولا بەردەوام بوو بۆ گۆڵ تۆمارکردن بە تایبەت کوڕانی کرواتیا بەڵام تەواوی هەوڵەکانیان بەبێ ئەنجام کۆتایی پێهات و پورتوگالییەکان سێ خاڵی گرنگیان بەدەستهێنا.