عەلی یەرلیکایا، وەزیری نێوخۆی تورکیا لە تۆڕی کۆمەڵایەتی ئێکس ئاشکرای کرد، بەمەبەستی بەرەنگاربوونەوەی پەکەکە کە بە رێکخراوی جوداخواز پێناسەی کردووە،هەڵمەتی گورز-13 لە 12 پارێزگای تورکیا و باکووری کوردستان بەڕێوەچوو.
لەم چوارچێوەیەدا 33 کەس بەتۆمەتی ئەندامبوون لە پەکەکە دەستگیرکران. یەرلیکایا جەختی لەوەکرد، دەستبەسەرکراوان پێشتر چالاکییان بەناوی پەکەکە هەبووە و پروپاگەندەیان کردووە و هەوڵیان داوە لەڕێگەی نایاساییەوە بچنە دەرەوەی وڵات.
یەرلیکایا دەڵێت، ئەم کەسانە دەستیشیان لە رێکخستنی خۆپیشاندان نایاسایی و دروستکردنی مۆلۆتۆف هەبووە و بەشێکیشیان پێشتر داواکراو بوونە.