نێچیرڤان بارزانی سەرۆکی هەرێمی کوردستان لەدوای نمایشی شانۆگەریی ‘داستانی کوردستان’ رایگەیاند: “نماییشەکە شاکارێکی گرنگ بوو، چیرۆکی کۆڵنەدانی میللەتێک بوو. دەرخەری ئەوەبوو کە ئەو شتانەی میللەتەکەمان پێی گەیشتووە بە ئاسانی نەبووە.”
ئەمڕۆ نێچیرڤان بارزانی، سەرۆکی هەرێمی کوردستان گەیشتە دهۆک و ژمارەیەک دیدار و کۆبوونەوەی هەن، لەنێویاندا بەشداریی کرد لە نمایشی شانۆگەریی “دارستانی کوردستان” و لەپاش نمایشەکە گوتارێکی پێشکەش کرد.
سەرۆکی هەرێمی کوردستان رایگەیاند: “دەستخۆشی لە هەموو ئەو کەسانە دەکەم کە ئەو کارە مەزنەیان کردووە، کە ساڵێک و 7 مانگە لەم پرۆژەیەدا کار دەکەن.”
سەرۆکی ھەرێمی کوردستان رایگەیاند، پەیامی نمایشەکە بۆ گەنجانە، دەرخەری ئەوەیە کە ئەوەی ئەمڕۆ بۆ میللەتەکەمان بەدەستهاتووە بە ئاسانی نەبووە، بەڵکو بەرخودانی میللەتێکە بۆ ئازادی و سەرفرازی.”