کیلیان مباپێی فەرەنسی، ئەستێرەی یانەی ڕیال مەدرید، دۆخێکی دڵەڕاوکێی لێکەوتەوە، دوای بردنەوە سەختەکەی (3-2) بەسەر دیپۆرتیڤۆ ئالاڤێس، ئێوارەی دوێنێ، لە قۆناغی حەوتەمی لالیگا،… لە قەڵای مێرێنگێ، “سانتیاگۆ بێرنابیۆ”.
ڕۆژنامەی مۆندۆ دیپۆرتیڤۆی ئیسپانی بڵاویکردەوە، یاریزانە فەرەنسیەکە لە خولەکی 80دا گۆڕدرا، دواتر دەرکەوت کە تووشی ئازاری ڕانی چەپی بووە.
سەبارەت بە بارودۆخی مباپێ، کارلۆ ئەنچیلۆتی ڕاهێنەری یانەی ڕیال مەدرید دوای یارییەکە لێدوانێکی دا و گوتی: ماسولکەکەی کەمێک توند بوو، بەڵام باسی لەوە نەکرد، وەک دواتر میدیاکان بڵاویانکردەوە، کە ئەمڕۆ، چوارشەممە، یان سبەی، پشکنین بۆ ئەو یاریزانە دەکرێت، . پێنجشەممە، بۆ دیاریکردنی توندی برینەکە.