بەربژێرێ ژمارە 16لسەر لیستا 190یا پارتی ل بازنا دهۆکێ راگەهاند: بەرنامەیێ من گرێدای پەیام و بەرنامەیێ لیستا 190یا پارتی دیموکراتی کوردستانە، لژێر درویشمێ ( ئارامی و ئاڤەدانی ، پێکڤەیی و خوەڕاگری ) چونکی ئەز بەربژارێ پارتیمە دێ لسەر ڤان خالان کارکەم.
حسن سلێڤانەی بەربژێرێ ژمارە 16لسەر لیستا 190یا پارتی دیموکراتی کوردستان ل بازنا دهۆکێ بۆ ئاژانسا هەواڵی زاگرۆس راگەهاند:
کارکەم لسەر دابینکرنا ژیانەکا ژ هەژی بۆ خەلکێ کوردستانێ، نەخاسم نڤیسەر و هونەرمەند و مەدیاکارێن کوردستانێ،
کارکرن ژبۆ پاراستن و گەشەپێدانا رەوشەنبیری و پێشڤەبرنا زمان و ئەدەبێ کوردی .
سلێڤانەی زێدەتر گۆت: دێ کارکەم ژ بۆ خورتکرنا پەیوەندیان و ئاڤاکرنا پرێن رەوشەنبیری دناڤبەرا نڤیسەرێن کورد ل کوردستانێ و ژ دەرڤە هەر وەسا کارکرن ژ بۆ دامەزراندنا پەرتۆکخانا نیشتیمانی یا کوردستانێ ، ژبۆ کۆمکرنا بەلگەنامە و پەرتۆکێن گرێدای ب کوردستانێ ڤە بۆ پاراستنا بیردانکا مللەتی.
حسن سلێڤانەی بەربژێرێ ژمارە 16لسەر لیستا 190یا پارتی ل بازنا دهۆکێ دیارکر: بەرنامێ مە دا پاراستنا مافێن مرۆڤی و گەشکرنا گیانێ پێکڤە ژیانێ و لێبورینێ ورێزگرتن ل بیرو باوەرێن ژێکجودا و هاندانا دیالوکێ دناڤبەرا ئایین ونەتەوە ورەوشەنبیریێن ژێک جودا،
بەرەڤانی ژ هزرێن مرۆڤانیێ وکارکرن دژی هزرێن تەرورێ.
کارکرن لسەر ئازادیا هزری وسیاسی ل کوردستانێ .