بەربژێرێ ژمارە 12لسەر لیستا 190یا پارتی ل بازنا دهۆکێ راگەهاند: دێ کارکەم ژێر دۆرشمێ پارتی دیموکراتی کوردستان ئارامی و ئاڤەدانی و پێگڤەی و خوڕاگری، هەروەسا ل خوڵا شەشێ یا پەرلەمانی دا دێ زێدەتر گرنگی دەمە بوارێ پەروەردێ چۆنکە پەروەدە بنجینەیێ پێشکەفتنا کومەڵگەهێ یە بۆ ئاڤەدان کرنا نەوەکێ لسەر ئاستەکێ بلندێ زانستی.
جابر محەمەد امین زێباری بەربژێرێ ژمارە 12لسەر لیستا 190یا پارتی دیموکراتی کوردستان ل بازنا دهۆکێ بۆ ئاژانسا هەواڵی زاگرۆس راگەهاند: گرنگی دان ب گەنجا و رەخساندنا دەلیفێن کاری ب رێکا پڕوژین وەبەرهێنانێ و پڕوژین تایبەت بۆ گەنجا و هەماهەنگی و پاراستنا مافێن وان، گڕنگی دان ب وەرزش و لاوان، چاڤدانا زێدەتر بۆ کەرتێ گەشت و گوزرای چۆنکە دەڤەرەکا گونجایی یە بۆ جهێن گەشیاری ئەگەر خزمەتێن زێدەتر بۆ ڤێ دەڤەرێ بکەین.
زێباری زێدەتر گۆت: هەروەسا دێ کارکەم بۆ زێدەتر پڕوژین وەبەرهێنانێ چۆنکە دەڤەرە ئاکرێ و بەردەرەش زەنگینن بەرهەمێن خوماڵی و یێن گشتۆکاڵی ب رێژەکا باش دهێتە بەرهەم ئینان و ل کوردستانێ و دەرڤە ژی حەزەکا زور سەر بەرهەمێن ئاکرێ هەیە.
جابر زێباری بەربژێرێ ژمارە 12لسەر لیستا 190یا پارتی ل بازنا دهۆکێ گۆت: داخازێ ژ خەلکێ خو يێ خوشتڤی دکەم ل روژا دەنگدانێ بچنە سەر سندوقێن دەنگدانێ و دەنگێ خۆ بدەنە ليستا 190 يا پارتی ديموکراتی کوردستانکو زامنێ داهاتویێ کوردستانێ یە زامنێ پێگڤە ژیانێ یە لیستا خۆراگریێ و خونەچەماندنێ و لیستا شەهیدایە.
