لە درێژەی یارییەکانی هەفتەی نۆیەمی خولی ئیتاڵیا و لە یاری لوتکە و دێربی، هەردوو یانەی ئینتەر میلان و یۆڤانتۆس ڕووبەڕووی یەکتر بوونەوە.
لە ئەنجامدا یارییەکە بە یەکسانی و بە چوار گۆڵ بەرامبەر بە چوار گۆڵ کۆتاییهات.
تایمی یەکەم تایمی پڕ گۆڵ دەرکەوت و لە ئەنجامی فشارەکانی ناوبژیوان لێدانێکی سزای بۆ ئینتەر هەژمارکرد و لە خولەکی 15دا زیلینسکی بە سەرکەوتوویی جێبەجێکرد،
دوای ئەوە خانمە پیرەکە توانی دوو گۆڵ لەلایەن ڤلاهۆڤیچ و تیمۆسی وییا لە خولەکەکانی 20 و 26 تۆماربکات، بەڵام ئینتەری خاوەن یاریگا بەمە نەوەستا و ئەویش دوو گۆڵ لە دوو خولەکدا لەڕێگەی یاریزانان موختاریان و زیلینسکی بە لێدانی سزا تۆمارکرد و لەو تایمەدا پێشکەوت.
دووەم تایم بە هەمان هێز و ئاست دەستیپێکردەوە، لە خولەکی 53دا دۆمفریس گۆڵی چوارەمی بۆ ئینتەر تۆمارکردەوە،
ماتۆی ڕاهێنەری دوای چەندین گۆڕانکاری سەرکەوتووی ئەنجامدا و دوای هاتنە نێو یاریگا، یاریزان یێلدز توانی بە دوو گۆڵ لە خولەکەکانی 71و 82 ئەنجامەکە بۆ یۆڤانتۆس یەکسانبکاتەوە و یارییەکە بەو ئەنجامە کۆتاییهات.
بەم شێوەیە، هەر یانەو تاکە خاڵێکی وەرگرت و ئینتەر میلان لە پلەی دووەمی ڕیزبەندیە بە کۆکردنەوەی 18 خاڵ، یۆڤیش خاوەن 17 خاڵە و لە پلەی سێیەم دەبیندرێت.