دهۆك… رزایبون ل سه‌ر دانانا چه‌ند كارگه‌ها و پرۆژێن وه‌به‌رهێنانێ هاته‌ كرن

ئه‌ڤرۆ رۆژا پێنچشه‌مبى د.عه‌لى ته‌ته‌ر پارێزگارێ دهۆكێ سه‌رپه‌رشتیا كۆمبوونا لیژنا پیشه‌سازى و وه‌به‌رهێنانێ كر.

دكۆمبوونێدا به‌حسێ ره‌وشا كارگه‌هێن پیشه‌سازى وداخازیێن چه‌ند كۆمپانى و وه‌به‌رهێنه‌ران ل پارێزگه‌هێ بۆ دامه‌زراندنا چه‌ند كارگه‌ه وپرۆژێن وه‌به‌رهێنانێ یێن پیشه‌سازى ب گشتى هاته‌ كرن.

پاش بابه‌ت وداخازیێن كومپانى و وه‌به‌رهێنه‌ران ئێكه‌ ئێكه‌ هاتنه‌ به‌رچاڤكرن وگه‌نگه‌شه‌ ل سه‌ر هاتنه‌ كرن و پتریا وان هاتنه‌ په‌سندكرن.

پارێزگارێ دهۆكێ دوپاتكر كو هه‌ر پرۆژه‌ك یان كارگه‌هه‌كا هاتیه‌ په‌سه‌ندكرن دڤێت ل دووڤ رێنما و یاسایێن حكومه‌تا هه‌رێما كوردستانێ ولیژنا پیشه‌سازى كار وخزمه‌تێ پێشكێشبكه‌ن هه‌روه‌سا ئه‌و كارگه‌ه وپرۆژه‌ ده‌لیڤێن كارى بۆ خه‌لكێ ده‌ڤه‌رێ په‌یداكه‌ن.

ئه‌و داخازیێن هاتینه‌ په‌سه‌ندكرن كارگه‌هێن به‌رهه‌مئینانا رونێ ترومبێلا وكلینس وسپییاتى و وبلوك وكونكریت وكه‌ره‌ستێن پاقژكرنێ و هتد.. بوون.