ئەمڕۆ دووشەممە، 24ی 12ی 2024، تەقینەوەی بۆمبێكی كۆنی داعش لە باكووری پارێزگای سەڵاحەدین، بووە هۆی كوشتنی 4 كەس.
بەپێی كەناڵ چواری عێراقی، لە گوندی مەزرعە لە قەزای بێجیی باكووری سەڵاحەدین، 4 كەس بەهۆی تەقینەوەی بۆمبێكی كۆنی داعش كوژران.
بەپێی زانیارییەكان قوربانییەكان خەریكی ڕاكێشانی كارەبا بوونە لە زەوییەكی كشتوكاڵی و نەیانزانیوە پاشماوی بۆمب و تەقەمەنیی داعش لەو ناوچەیەدا هەیە.