“ئەبو موحەممەد جولانی” ڕێبەری گرووپی حاکم بەسەر سووریادا، نیوەڕۆی ڕۆژی یەکشەممە، ٢٩ی کانوونی یەکەم، به کەناڵی “العربیەی گوت: “ئازادکردنی سووریا، ئەمنیەتی ناوچە، کەنداو و سووریا هەتا ٥٠ ساڵی داهاتوو دەستەبەر دەکات.”
ئەبو موحەممەد جولانی گوتی: “ئێمە بەدوای پەیوەندییەکی هاوسەنگ لەگەڵ هەموواندا دەگەڕێین. سەرەڕای ئەو برینانەی کە هەبوون، لەگەڵ بارەگاکانی ئێران مامەڵەمان کرد. چاوەڕێی لێدوانی ئەرێنیمان لە لایەن ئێرانەوە دەکرد. ئێران دەبوایە لە پاڵ گەلی سووریا بوەستێت.”
جۆلانی گوتی:”هیوادارم ئێران تێگەیشتنی دەربارەی دەستێوەردان لە ناوچەکە بگۆڕێت. ئەم قۆناغە پێویستیی بەوەیە ئێران به سیاسەتەکانیدا بچێتەوە. زۆر لایەن لە ناوچەکەدا خوازیاری ڕۆڵی ئەرێنی ئێرانن.”