ئاژانسی هەواڵی ڕۆیتەرز ئەمڕۆ (یەکشەممە ٥ی کانوونی دووهەمی ٢٠٢٥) لە زاری وەزیری دارایی سووریاوە ڕایگەیاند: مووچەی بەشێکی زۆر لە فەرمانبەرانی کەرتی گشتیی ئەم وڵاتە بە ڕێژەی چوارسەد لە سەد زیاد دەکرێت.
ڕۆیتەرز لە درێژەدا ئاماژەی بەوە داوە، وەزیری دارایی سووریا ڕایگەیاندووە ئەم زیادکردنە وەک ڕێکارێکی خێرا جێبەجێ دەکرێت.
لەلایەکی ترەوە کەناڵی ئەلعەرەبیە بڵاویکردووەتەوە: وەزیری دارایی سووریا گوتوویەتی مووچەی فەرمانبەرانی کەرتی گشتی دوای گۆڕینی پێکهاتەی داییران، بە ڕێژەی ٤٠٠٪ زیاد دەکرێت.
ناوبراو بە ئاماژەدان بەوەی کە بەهای مووچەکان دەگاتە ١.٦ تریلیۆن لیرەی سووری لە مانگێکدا، گوتی مووچەی فەرمانبەرانی کەرتی گشتی ئەمڕۆ و سبەینێ دەدرێت.
هەواڵی پێشوو