سێشەممە، 14ـی کانوونی دووەمی 2025، دادگای ناوەندیی تاوانەکانی بەرەنگاربوونەوەی گەندەڵی ، سزای 10 ساڵ زیندانی بەسەر بەڕێوەبەری گشتی پێشووی دەستەی باجدا سەپاند.
بەگوێرەی ئاژانسی هەواڵی عێراق، ئەنجوومەنی باڵای دادوەری ڕاگەیاندراوێکی بڵاوکردووەتەوە تێیدا هاتووە، “بەڕێوەبەری گشتی پێشووی دەستەی باج سزای 10 ساڵی بەسەرا سەپێندرا، هەروەها سزادراوەکە بە هاوبەشی لەگەڵ تۆمەتبارانی دیکە، چەکێکیان لە بەرژەوەندی یەکێک لە کۆمپانیاکان نووسیووە و بەهۆیەوە دەستیان بەسەر ئەو بڕە پارەی باجدا گرتووە کە لە بانکی ڕافیدەین دانراون.
لە ڕاگەیەندراوەکەدا هاتووە، ئەو بڕیارە بەپێی بڕگەکانی ماددەی 316/بەشی یەکەمی یاسای سزادانی ژمارە 111ـی ساڵی 1969ـی دەرچووە.