لە سۆنگەی هەستکردن بەبەرپرسیارێتی بۆ پاراستنی تەندروستی گشتی ،بە تایبەتی لەو نەخۆشیانەی کە گوێزراوەن لە ئاژەڵ و پەلەوەرەوە بۆ مرۆڤ،ئەمڕۆ دووشەممە رێکەوتی 27/1/2025 ، بەسەرپەرشتی بەڕێزان وەزیری کشتوکاڵ و سەرچاوەکانی ئاو و وەزیری تەندروستی ، وە بەئامادەبوونی بەڕێزان نوێنەری نووسینگەی بەڕێز سەرۆک وەزیران و پارێزگاری هەولێر و ستافی پەیوەندیداری هەر سێ لایەن لە دیوانی وەزارەتی کشتوکاڵ کۆبونەوەیەکی هاوبەش ئەنجامدرا ، بۆ تاوتوێ کردنی ئەو رێکارانەی کە ئەرکی هەر سێ لایەن دیاری دەکات لە رووبەروبوونەوەی ئەو نەخۆشیانەی کە لەنێوان ئاژەڵ و پەلەوەر و مڕۆڤدا هاوبەشن ،وە چۆنیەتی دانانی رێکار و پلانی زانستی بە مەبەستی خۆپاراستن …
کە ساڵانە ئەم کۆبونەوە هاوبەشانە ئەنجامدەدرێت ، بەئامانجی هەماهەنگی و کاری هاوبەش و چۆنیەتی دانانی رێکار و پلانی زانستی ، بەمەبەستی خۆپاراستن لە نەخۆشیە هاوبەشەکان ، بۆ ئەم مەبەستە بە بەرپرسیارێتیەوە لایەنە بەشداربووەکانی کۆبونەوەکە پلانی زانستی و سەرجەم رێکارە پێویستیەکانیان تاوتوێکرد بۆ رێگریکردن لەبلاوبونەوەی نەخۆشیە هاوبەشەکان .