لە سەرەتای ساڵەوە تا ئێستا ١٤ چەکداری توندڕەو به هۆی هێرشی هاوپەیمانی نێودەوڵەتی لە سووریا کوژراون.
چاودێری مافی مرۆڤی سووریا ڕایگەیاندووە، بە ئامانجی لەنێوبردنی شانە و چەکدارانی داعش، هێزەکانی هاوپەیمانی نێودەوڵەتی بە سەرکردایەتی ئەمریکا لە سەرەتای ٢٠٢٥ـەوە ١٢ ئۆپەراسیۆنی لەپێشینەیان لەگەڵ هەسەدە لە باکووری ڕۆژئاوا و ڕۆژهەڵاتی سووریا ئەنجام داوە.
بەگوێرەی ئەوەی بڵاوکراوەتەوە، ئەم هەڵمەتانە لە شار و شارۆچکە جیاوازەکان ئەنجام دراون و لەم هێرشانەدا جگە لە دەستگیرکردنی دەیان چەکداری ئەو ڕێکخراوە، توانیویانە ١٤ چەکداری توندڕەو لە کاتی بەرگریکردن و هەوڵی هەڵاتن و هێرشکردنە سەر هێزەکانیان و هەسەدە بکوژن.
