ئەمڕۆ شەممە 2025.3.1، بە ئامادەبوونى ئومێد خۆشناو، پارێزگارى هەولێر و تەیب زرار، بەڕێوەبەری گشتی ئەوقافی هەولێر و کارزان هادی، سەرۆکی شارەوانی هەولێر و نەبەز ئیسماعیل، بەڕێوەبەری ئاوقافی هەولێر و ژیار جەلال، بەڕێوەبەری فەرمانگەی خزمەتگوزاری ژینگە پارێزى هەولێر، بەبۆنەى هاتنى مانگى پیرۆزى ڕەمەزان لە بەردەم مزگەوتى فیردەوسی شارى هەولێر دەستکرا بە ڕاگەیاندنى هەڵمەتێکى فراوانى پاککردنەوەى مزگەوتەکان و دانانى حاویەى زبڵ بۆیان.
لە ڕێورەسمەکەدا، پارێزگارى هەولێر وێڕای پیرۆزبایی بە بۆنەى مانگى ڕەمەزانى پیرۆز، دەستخۆشیى لە فەرمانگەى ژینگە پارێزى هەولێر کرد بۆ ئەنجامدانى ئەوکارە و کارەکەیانى بەرزنرخاند.
جێگەى باسە هەڵمەتەکە تاوەکو کۆتایی مانگە ڕەمەزان بەردەوامە و سەرجەم مزگەوتەکانى نێو شارى هەولێر دەگرێتەوە.