ئاژانسی هەواڵی زاگرۆس

وەزیری شارەوانی و گەشتوگوزار بەدواداچوون بۆ كارەكانی پرۆژەی سەوزكردنی یەكتربڕی شەقامی هەولێر- مووسڵ دەكات

ئەمڕۆ یەكشەممە 2/3/2025 ساسان عەونی، وەزیری شارەوانی و گەشتوگوزار بە یاوەری كارزان عەبدولهادی، سەرۆكی شارەوانی هەولێر، بەمەبەستی بەدواداچوونی كارەكان و لەنزیكەوە ئاگاداربوون لە چۆنیەتی بەرەوپێشچوونی هەنگاوەكانی جێبەجێكردنی پرۆژەكە، سەردانی پرۆژەی سەوزكردنی یەكتربڕی شەقامی هەولێر- مووسڵ لەگەڵ شەقامی خێرای ١٢٠م لە شاری هەولێری كرد.

وەزیری شارەوانی و گەشتوگوزار ساسان عەونی لەگەڵ سەرپەرشتیار و تیمی ئەندازیاری جێبەجێكاری پرۆژەكە گفتوگۆی كرد و بەدواداچوونی بۆ كارەكان كرد و ئامادەیی هەر جۆرە هاوكاری و ئاسانكاریەكی دەربڕی.
لە ئێستادا بە باشی كاركردن لە پرۆژەكەدا دەكرد و هەنگاوی زۆر باشی بڕیوە، هەوڵدەدرێت لە ماوەیەكی دیاریكراودا تەواو بكرێت و بخرێتە خزمەت هاووڵاتییانی شاری هەولێر.

جێگەی باسە، ئەو پرۆژەیە، بەپێی ڕێنمایی و لەسەر ڕاسپاردەی ڕێزدار مەسرور بارزانی، سەرۆكی حكوومەتی هەرێمی كوردستان لەسەر ڕووبەری ٢٠٥ هه‌زار مه‌تر دووجا جێبەجێ دەكرێت، كاری سەوزكردنی تێدا ده‌كرێت و نزیكەی ٣٠ هەزار داری تێدا دەڕوێندرێت لەگەڵ ١٠ هەزار گوڵ و نەمامی بچووك و بە ڕووبەری زیاتر لە ٢٠ هه‌زار مه‌تر دووجاش چیمەنی لێ دەڕوێندرێت، هەروەها لێدانی بیری ئاو و خەزانی كۆكردنەوەی ئاو و دانانی سیستەمی ئاودێری بۆ ئاودانی ئەو ناوچە سەوزاییە.

هەواڵی پەیوەندیدار

ئەندامێکی لیژنەی نەوت: ھەموو رێکارەکانی ناردنی نەوتی سپی لە بەغداوە بۆ ھەرێمی کوردستان تەواو بوون

دڵشاد

سەرۆکی حکومەتی کۆمەڵێک بڕیاری گرنگ دەردەکات

سەڵاح

راگەیندراوێک لە فراكسیۆنی پارتی دیموكراتی كوردستان له‌ په‌رله‌مانی عێراق

یاسین