پەیڤدارێ رێڤەبەریا پۆلیسی ئیدارا سەربەخۆ یا زاخۆ راگەهاند، کو ل تاخێ تلکەبەر ل ئیدارا سەربەخۆیا زاخۆ، تۆمەتبارەکێ بناڤێ (ر،ا،ر) لسەر کێشەیەکا خێزانی سێ ئەندامێن خێزاناخۆ ب چەکێ دەمانجێ بریندارکرن.
ڕائد ئەحمەد ڕەمەزان پەیڤدارێ رێڤەبەریا پۆلیسی ئیدارا سەربەخۆ یا زاخۆ، ب ئاژانسا نووچەیا زاگرۆس راگەهاند: ئەڤرۆ رێکەفتی ٢٠٢٥/٤/٢١ لنێزیک دەمژمێر (٦) ئێڤاری ل تاخێ تلکەبەر ل ئیدارا سەربەخۆیا زاخۆ، تۆمەتبارەکێ بناڤێ (ر،ا،ر) لسەر کێشەیەکا خێزانی سێ ئەندامێن خێزاناخۆ ب چەکێ دەمانجێ بریندارکرن و ژلایێ پۆلیسێن بەشێ هەوارهاتنێ ڤە هاتە دستەسەرکرن.
هەروەسا ڕائد ئەحمەد ڕەمەزان پەیڤدارێ رێڤەبەریا پۆلیسی ئیدارا سەربەخۆ یا زاخۆ ئەڤچەندەش بۆ ئاژانسا نووچەیا زاگرۆس دیارکر، کو کەسێن بریندار (باب و خوشک و هەڤژینا) تۆمەتبارینە، لدیف راپۆرتێن پزیشکی رەوشا تەندروستیا برینداران جێگیرە، ژبوو ڤێ رۆیدانێ پەرێن ڤەکولینێ لدیف بەندێ (٣١/٤٠٥ ی،س) ل بنگەهێ پۆلیسێن نەخۆشخانێ هاتینە ڤەکرن و ڤەکۆلین دبۆیەرێ دا بەردەوامە .
رێباز یونس