کۆشکی کرملینی ڕووسیا ڕایگەیاند: ڤلادیمیر پوتین، سەرۆکی ڕووسیا، ڕۆژی سێشەممە، ١٦ی گوڵان (٦ی ئایار)، لە پەیوەندییەکی تەلەفۆنیدا لەگەڵ مەسعوود پزیشکیان، سەرۆکی کۆماری ئیسلامیی ئێران گفتوگۆیان لەبارەی ڕەوتی دانوستانەکانی نێوان ئێران و ویلایەتە یەکگرتووەکانی ئەمریکا گفتوگۆیان کردووە.
بەپێی ڕاگەیەندراوەکەی کرملین، پوتین لەم پەیوەندییەدا جەختی لەوە کردووەتەوە ، ڕووسیا ئامادەیە بۆ ئاسانکاریی دانوستانەکان و گەیشتن بە “ڕێککەوتنێکی دادپەروەرانە” لە نێوان ئێران و ئەمریکادا، ڕۆڵی هەبێت.
شایەنی باسە، لە چەند خولێکی پێشووتری دانوستانەکانی نێوان تاران و واشنتن لە هەفتەکانی ڕابردوودا، نوێنەرانی کۆماری ئیسلامیی ئێران و ویلایەتە یەکگرتووەکانی ئەمریکا چەندین سەردانیان بۆ ڕووسیا کردبوو.