وتەبێژی دەروازەی نێودەوڵەتی حاجی ئۆمەران رایگەیاند، کە لە مانگی ڕەمەزانی پیرۆزدا جموجۆڵی گەشتیاری و بازرگانی زیاد بووە، 10%ی كەلوپەلەكانیش لە هەرێمی كوردستانەوە هەناردەی دەرەوە دەكرێن.
سیروان حوسێن، وتەبێژی دەروازەی نێودەوڵەتیی حاجی ئۆمەران، بە ئاژانسی ھەواڵی زاگرۆسی ڕاگەیاند: ئاڵوگۆڕی بازرگانی و گەشتیاری لە دەروازەی نێودەوڵەتی حاجی ئۆمەران بەردەوامە و مانگی ڕەمەزان كاریگەری نەبووە لەسەر جموجۆڵی گەشتیاری و بازرگانی بگرە زیادیكردووە.
هەروەها سیروان حوسێن، وتەبێژی دەروازەی نێودەوڵەتیی حاجی ئۆمەران ئەوەشی بۆ ئاژانسی ھەواڵی زاگرۆس خستەروو، کە بەگشتی زۆرترین ڕێژەی ئاڵوگۆڕ لە دەروازەی نێودەوڵەتی حاجی ئۆمەران 90% كەلوپەلەكان هاوردەی هەرێم دەكرێن، لە هەرێمی كوردستانیشەوە 10٪ی كەلوپەلەكان هەناردە دەكرێن.
رێباز یونس